Лионел Меси цели 21 месец чекаше да даде гол од слободен удар надвор од „Камп Ноу“ и тоа конечно му успеа синоќа на теренот на Гранада. Аргентинецот даде два гола во убедливиот триумф од 4:0, а еден погодок беше од слободен удар.
Пред крајот на првото полувреме беше досуден фаул за Барселона работ од шеснаесетникот, а Меси мајсторски успеа да го надмудри „живиот ѕид“ и да пласира во мрежата на домаќините.
Со тој погодок, Меси стигна до 48 погодоци од слободен удар во дресот на Барселона и за еден погодок го надмина Кристијано Роналдо, кој во клупската кариера досега има постигнато 47 погодоци директно од прекин.
48 – Lionel Messi 🇦🇷 has scored 48 direct free-kick goals for @FCBarcelona in all competitions (37 in @LaLiga), one more than Cristiano Ronaldo 🇵🇹 in his profesional club career (47, 32 in league). Stars. pic.twitter.com/sKujVwD6p6
— OptaJose (@OptaJose) January 9, 2021