Една од најголемите ѕвезди на светскиот фудбал, Ламин Јамал, е постојано под лупата на медиумите, а најновите шпекулации се однесуваат на неговата возраст.
Некои медиуми тврдат дека неговата возраст била „фалсификувана“, а причината за ваквите приказни е вест во весник од 2015 година. Во тој текст Јамал е претставен како десетгодишно дете, што ги поттикна теориите на заговор дека тој всушност е постар отколку што е официјално наведено.
Ако во 2015 година имал 10 години, сега има 21.
Според официјалните податоци, тој има 18 години. Можеби станува збор за печатна грешка во текстот, тешко е да се поверува дека таков пропуст би се направил во денешниот врвен фудбал.
Во Барселона и во Шпанската фудбалска асоцијација овие обвинувања ги гледаат со потсмев. Постојано се истакнува дека сите негови документи се во ред и дека поминал низ истите административни процедури како и секој друг играч, од јуниорските категории до сениорскиот тим.
