Манчестер јунајтед вторпат по 2017 година се најде во финалето на Лигата на Европа, во кое за трофејот ќе се бори против Вилјареал на 26 мај.
Оле Гунар Солскјер не е задоволен што вчера Црвените ѓаволи загубија со 3-2 во реваншот против Рома бидејќи гаранција им беше големата победа од 6-2 во првиот натпревар.
„Многу лесно можевме да загубиме со 8-6, затоа сум разочаран. Мило ми е што сме во финалето, меѓутоа таму стигнавме со едно добро одиграно полувреме во првиот меч. Чуден меч, многу лесно ја губевме топката и ги остававме да ни се закануваат. Среќа што за нас брани еден од најдобрите голмани во светот“, истакна Солскјер.