Србинот Дарко Рајаковиќ ќе биде нов тренер на Торонто репторс, објави новинарот на ЕСПН, Адријан Војнаровски.
Преговорите се во завршна фаза и за очекување е најдоцна до понеделник, Рајаковиќ и официјално да биде назначен за тренер на НБА-шампионот од 2019 година.
ESPN Sources: The Toronto Raptors are finalizing a deal to hire Memphis Grizzlies assistant Darko Rajakovic as the franchise’s next coach. pic.twitter.com/AEPu64p2F2
— Adrian Wojnarowski (@wojespn) June 10, 2023
Рајаковиќ е во НБА-лигата од 2014 година, во првите пет сезони беше помошник тренер во Оклахома сити тандерс, потоа една сезона помина како помошник на Игор Кокошков во Феникс санс, по што се пресели во Мемфис гризлис.
Покрај Рајаковиќ, во игра за тренерското столче во Торонто беше и селекторот на шпанската репрезентација, Серџо Скариоло.
Тој ќе го наследи Ник Нурс кој пет години седеше на клупата на Торонто и на тимот му ја донесе единствената титула.
