Џо Гомес има гребнатина под окото како последица од тепачката со Рахим Стерлинг на тренингот на репрезентацијата на Англија пред мечот со Црна Гора задутре.
Духот на дербито меѓу Ливерпул и Манчестер сити што се играше во неделата се пренесе на тренингот на „Гордиот Албион“, а очигледно е дека имало и бокс-меч меѓу Гомес, кој е играч на лидерот во Премиер лигата, и Стерлинг, кој игра за актуелниот шампион.
Подебелиот крај го извлекол Гомес, а казната е за Стерлинг, кој нема да игра против Косово, иако не е исфрлен од репрезентацијата.
Англиските медиуми објавија дека играчот на Манчестер сити веќе бил во автомобил на пат кон дома, но му јавиле да се врати во тренинг-центарот по одлуката на селекторот Герет Саутгејт сепак да не го отстрани од репрезентацијата, туку да го казни со неиграње против Црна Гора на „Вембли“.