Актуелниот светски првак во велосипедизам, Жулиен Алафилип имаше страотен пад на трката од Лиеж до Бастоњ и по ударот во дрво крај патеката ја скрши клучната коска на рамото и две ребра, па очевидци велат дека бил во тешка ситуација и едвај дишел.
Веднаш на помош му пристигнал Ромеин Барде, кој се обидел да му помогне на повредениот шампион.
„Беше вистински хорор. Пред мене се судрија двајца велосипедисти, видов дека едниот од нив е Том Питкок, а јас летнав на десната страна од патеката. Кога станав го здолгледав Жулиен како лежи во провалијата. Бев во шок, бидејќи очигледно беше дека е тешко повреден. Едвај говореше и воопшто не можеше да се движи. Го блокираа патот за да му помогнат и се надевам дека се ќе биде в ред со него“, изјави Барде.
Алафилип ја скрши клучната коска и две ребра и е хоспитализиран во стабилна состојба.
Terrifying crash at Liège-Bastogne-Liège, Julian Alaphilippe suffering broken ribs and a collapsed lung.
Romain Bardet, from a different team, showing true sportsmanship to climb down and help, check on him pic.twitter.com/c3ylBAGZIq
— James Dart (@James_Dart) April 24, 2022
Сигурно ќе го пропушти новото издание на Тур Де Франс, а неизвесно е дали ќе може да ја брани и светската титула што ја освојуваше двапати по ред.
