Антонио „Чучо“ Лопес, фудбалерот на мексиканскиот славен тим Клуб Америка, се здоби со скршеница на ногата во реваншот од осминафиналето на Лигата на шампионите во зоната КОНКАКАФ, а за фаулот кој го направи играчот на Олимпија од Хондурас доби само жолт картон.
Олимпија победи на гостувањето во Мексико сити со 1-0, но Америка оди понатаму поради гостинската победа од 2-1 во првиот дуел. Тренер на Америка е поранешниот тренер на Реал Мадрид, Сантијаго Солари. Тој „грмеше“ по судијата и беше незадоволен што не е покажан црвен картон. Колумбиецот Арболеда, кој му ја скрши ногата на Лопес, по мечот се извини, но Америка во битка за трофејот ќе мора да игра без популарниот Чучо.
https://www.youtube.com/watch?v=D3ib7EQCN8g