Вегас Голден најтс го возврати ударот со победа од 3:0 во вториот меч од финалната плејоф-серија во Западната конференција во НХЛ-лигата против Далас старс и израмни на 1:1.
Франшизата која е последна формирана во НХЛ и постои од 2017 година го игра второто финале во својата конференција и со головите на Пол Стасни, Вилијам Карлсон и на Томас Ношек, сите во вториот период, победи во вториот дуел против Далас со 3:0.
Paul Stastny parked in front and puts the puck in #VegasBorn pic.twitter.com/WPg4rusG1d
— Omar (@TicTacTOmar) September 9, 2020
Старс го добија премиерниот меч со 1:0, па сега во серијата до 4 победи резултатот е израмнет на 1:1. Поразениот тим во еден момент од мечот беше оштетен, а заспаа судиите, кои не забележаа дека Вегас игра со хокеар повеќе на мразот во Едмонтон, па пропустот на победничката екипа не беше казнет со исклучување од две минути.
William Karlsson buries it #VegasBorn pic.twitter.com/z3CB68vkcY
— Omar (@TicTacTOmar) September 9, 2020
Вегас, иако игра само три сезони во НХЛ, двапати беше шампион во својата дивизија, еднаш и во Западната конференција, а сега се обидува да стигне и до второто големо финале во битката за пехарот во Стенли купот. Во дебитантската сезона, 2017/18, играа плејоф-серија за титулата против Вашингтон капиталс, но загубија со 1:4.
TOMAS NOSEK FINISHES A BEAUTIFUL PLAY BY VEGAS.
It’s all Knights in this one. #VegasBorn pic.twitter.com/wToVxX5GNB
— Red White and Blueshirts (@AndBlueshirtPod) September 9, 2020
Далас има една титула, што ја освои со триумф од 4:2 во финалето во 1999 година против Бафало сејбрс, а има и три порази во НХЛ-финалињата.
Во Источната конференција, Тампа беј лајтнингс води со 1:0 против Њујорк ајландерс по стартната победа од 8:2.