Заврши сезоната за Аксел Вицел, играчот за врска на Борусија Дортмунд, кој вчера се здоби со тешка повреда во победата од 3-1 на гостувањето кај Лајпциг, потврдија од таборот на бундеслигашот.
Белгискиот репрезентативец ја оштети Ахиловата пета, по што му следува повеќемесечна пауза.
Милионерите го загубија важниот играч за остатокот од сезоната, во кој екипата без него ќе продолжи да се бори за шампионската титула во Бундеслигата, а воедно ќе ги одмери силите со Севилја во осминафиналето од Лигата на шампионите.
Bittere Nachricht: Der BVB wird in den kommenden Monaten auf Axel #Witsel verzichten müssen. Der belgische Nationalspieler hatte sich in Sachsen ohne Fremdeinwirkung die Achillessehne gerissen. Die gesamte BVB-Familie drückt Axel die Daumen für eine möglichst rasche Genesung! 🙏 pic.twitter.com/5P3nK1ADb6
— Borussia Dortmund (@BVB) January 10, 2021
Вицел пред повредата забележа вкупно 22 настапи во сите натпреварувања, во кои реализира еден погодок, и тоа во меч од ЛШ, додека во германското првенство уште нема отворено сметка.