Грчкиот тенисер Стефанос Циципас дури на третиот ден од Вимблдон го заврши мечот од првото коло против Доминик Тим. Мечот кој започна во понеделникот, заврши денеска, а по четрии часа и пет одиграни сетови славеше Циципас со 3:6,7:6,6:2,6:7,7:6.
Тим за половина час игра го доби првиот сет, а на Циципас му требаше еден час да израми на 1:1 во сетови, и тоа преку тај-брејкот.
Thiem & Stefanos Tsitsipas hug at the net.
It’s hard seeing Dominic lose matches like this
I don’t think there’s a person alive who’s not rooting for him
He’s put in the work
He’s shown the effortIt’s time to get back to where he belongs ❤️
— The Tennis Letter (@TheTennisLetter) July 5, 2023
Во третиот сет, подобар беше Гркот, кој на противникот му дозволи да освои само два гема. Во четвриот сет, Тим прво успеа да спаси брејк топка во првиот гем, а потоа преку тај-брејкот да се избори за одлучувачки петти сет.
Победникот повторно беше одлучен во тај-брејкот, во него подобар беше Циципас, кој направи три мини брејка, наспроти двата на Тим и славеше со 10:8.
Циципас во второто коло ќе игра против миленикот на домашната публика, Енди Мареј.
Пласман во второто коло обезбеди и девојката на Циципас, Паула Бадоса, која во два сета со 6:3, 6:3 ја елиминира Алисон Риске.