Фернандо Мартин е хоспитализиран во болница и е во сериозна состојба откако е потврдено дека има Коронавирус. Ова е втор случај поранешен претседател на фудбалскиот клуб Реал Мадрид да е заразен со опасниот вирус, а претходно, за жал, Лоренцо Санс почина на 76-годишна возраст.
Мартин има 72 години и се наоѓа во болницата „Пуерта де Јеро“ во Мадрид, откако на тестот е откриено дека има Коронавирус.
Ex-Real Madrid president Fernando Martín has been hospitalised and is in a serious condition after testing positive for the coronavirus. [AS] pic.twitter.com/TFtSWL3kdF
— RMOnly (@ReaIMadridOnly) March 23, 2020
Бизнисменот од Тригерос дел Вале, место блиску до Валјадолид, беше претседател на Реал Мадрид во периодот од февруари до април 2006 година, но потоа во 2009 беше и дел од одборот на директори во Кралскиот клуб.
Ситуацијата во Шпанија е многу сериозна со Коронавирусот и по Италија, тоа е земјата што моментно е најзагрозена и со најмногу заразени и починати од епидемијата што го тресе светот.