Министерството за здравство на Португалија донесе одлука цел тим на прволигашот Тондела да биде во изолација откако шестмина фудбалери и тренерот Пако Ајестаран биле позитивни на ковид-19.
— A BOLA (@abolapt) December 1, 2021
Тондела треба да го игра следниот меч во сабота против Мореиренсе, но сега е неизвесна судбината на тој натпревар.
Во Португалија во фокусот беше случајот со Белененсеш, клуб кој исто така имаше многу играчи позитивни на корона-вирус, но мечот против Бенфика не им беше одложен, па играа само со деветмина играчи, од кои двајца голмани.
Мечот беше прекинат откако Бенфика водеше со 7:0 по првото полувреме, а домаќините останаа со седуммина играчи. Белененсеш бараше мечот да се одложи, но не им беше прифатена молбата што предизвика многу реакции.