Поголем дел од својата кариера, Виктор Валдес ја помина како голман на Барселона. Со каталонскиот гигант освои многу трофеи, па логично беше да добие шанса да се докаже и како тренер во еден од најголемите клубови во светот.
Пред три месеци Барселона го ангажираше Валдес да биде тренер на јуниорскиот тим, а веднаш потоа започнаа и скандалите. Во подготвителниот период си замина од еден турнир, иако требаше да игра во борба за трето место. Во првото коло од првенството, Валдес доби црвен картон, поради навредување на судиите.
Валдес и за време на играчката кариера беше многу темпераментен, но сепак како тренер треба да биде посмирен. Освен лошиот однос за време на мечевите, некогашниот голман се скара и со управата на клубот. Валдес го навредуваше Патрик Клајверт кој е негов претпоставен во клубот, однесување кое е недопустливо во Барселона.
