Малку фалеше Франк Рибери синоќа да го натепа помошниот судија по завршувањето на дуелот меѓу Фиорентина и Лацио. Искусниот француски интернационалец беше нервозен поради поразот со 2:1, а на крајот вината ја најде кај арбитрите.
Рибери буквално двапати го отурна судијата, кој остана смирен и не влезе во дополнителен конфликт. Поради тој испад, Рибери по завршување на дуелот, заработи и црвен картон. Во фудбалот најстрого е забранет напад врз судиите и казните се ригорозни. Рибери сега е свесен дека направил грешка и се извини, но тоа нема да го спаси од суспензија.
„Жал ми е поради сè што се случи синоќа. Им се извинувам на соиграчите, на тренерот и на навивачите. Му се извинувам и на господинот Пасери, бидејќи на крајот од мечот бев многу нервозен и разочаран и се надевам дека ќе може да ме разбере како ми беше. Секогаш сакам да сум на теренот и да им помогнам на соиграчите. Очекувам Фиорентина да добива поголемо внимание, внимание кое го добиваат и останатите клубови. Ние напорно работиме секој ден за да стигнеме до добри резултати“, рече Рибери.
Искусниот Рибери летово пристигна во Фиорентина и досега во шест меча постигна два гола, а имаше и две асистенции, со што покажа дека е еден од главните играчи во тимот на Виолетовите. И покрај извинувањето, Рибери го очекува висока казна и сигурно нема да игра на следните неколку средби.