Екипата на Вурцбергер кикерс загуби на гостувањето кај Дармштад со 2:0, во меч од 12. коло на германската Цвајте, односно Втора лига. Домаќините поведоа со голот на Кемпе во 55 минута, а се играше последната 90-та минута кога гостите направија чудна замена.
Вурцбергер кикерс на овој меч имаше само 14 здрави фудбалери, додека останатите се во изолација или карантин поради Коронавирусот. Покрај 11-те на теренот, имаше и три резерви, меѓу кои едниот беше голман. Во 90-тата минута, гостинскиот тренер сакајќи да внесе свеж играч на теренот, реши во игра да го внесе Ерик Верстапен кој е голман.
Ако се знае дека голманот на гостите остана на своето место, Верстапен влезе на местото на играч, па на теренот гостите практично имаа двајца регистрирани голмани.
🙁 Wir haben alles gegeben… Selbst Torhüter Eric Verstappen hat nach seiner Einwechselung im Sturm alles reingeworfen! Nach großem Kampf musste sich unser aufopferungsvoll kämpfender Kader mit 12 Feldspielern & 2 Torhütern beim @sv98 aber mit 0:2 geschlagen geben. 🔴⚪ #SVDFWK pic.twitter.com/hnb070R9W1
— FC Würzburger Kickers (@fwk_1907) December 19, 2020
Оваа измена не донесе многу корист за Вурцбергер, затоа што Дармштад во 94 минута даде уште еден гол за да го потврди триумфот од 2:0. Со оваа победа, домаќините се искачи на деветото место на табелата, додека Вурцбергер остана закован на дното на табелата со само четири бода од 12 средби.
