Баер Леверкузен го совлада Штутгарт со 2-0 на отворањето на 12. коло во Бундеслигата. Домаќините до три бода стигнаа благодарение на расположениот Кевин Воланд, кој на два пати ја тресеше мрежата на Штутгарт.
По мирното прво полувреме, со дополнителни сили Леверкузен успеа да слави, а Воланд ги постигна двата погодоци во 76-тата, односно 83-тата минута.
Со овој триумф, „фармацевтите“ сега се наоѓаат на 10-тата позиција на табелата со 14 освоени бодови, додека Штутгарт и натаму ќе остане на дното во Бундеслигата, со само осум бода.
