Волчицата владее во Рим – Пелегрини беше феноменален, и испрати предупредување на Македонија (Видео)

Рома неочекувано лесно го победи Лацио со 3:0 во големото римско дерби, а мечот беше решен во првото полувреме, кога домаќините ги постигнаа сите три гола.

Блескаше Лоренцо Пелегрини, кој конкурира и за место меѓу стартните 11 репрезентативци на Италија за дуелот со Македонија на 24. март во Палермо.

Капитенот на Рома и двојниот стрелец Тами Абрахам ја предводеа Рома до голема победа.

Пелгрини уште во 56. секунда со прекрасни изведен корнер ја погоди пречката на Лацио, а одбиената топка во мрежата на Стракоша ја смести Абрахам.

Истиот играч погоди и во 22. минута, а потоа се слули најубавиот момент на дербито.

Лоренцо Пелегрини постигна еврогол од слободен удар од 30-на метри, а бомбата, иако беше во аголото каде беше поставен Стракоша, беше недофатлива за голманот на Лацио.

WHAT. A. GOAL. #Pellegrini #Roma
https://t.co/ovMZTMXRvl

— Italian Football News 🇮🇹 (@footitalia1) March 20, 2022

Пелегрини од утре ќе биде на собирот со италијанската репрезентација за бараж мечот со Македонија на „Ренцо Барбера“ на 24. март од 20.45 часот.