Германскиот прволигаш Волфсбург би можело наскоро да заигра на националната арена „Тодор Проески“ во Скопје доколку така сака денешната ждрепка за второто коло од квалификациите од Лигата на Европа. Волфсбург е еден од трите можни противници на Ренова за следната фаза која се игра на 17 септември и исто така ќе биде само еден меч, нема реванш, а ќе се игра без публика.
Гипсарите од Тетово имаат три можни ривали, тоа се Хајдук Сплит, Волфсбург и Зрински од Мостар. За публиката најинтересно ќе биде ако дојдат Волците, но и Хајдук е тим кој многу значи на овие простори. Постои и една полоша варијанта, а тоа е Ренова да биде во улога на домаќин, но да не игра во Македонија, туку некаде на неутрален терен, како на пример Кипар.
Шкендија е во улога на носител и ќе патува на исток или тука ќе дојдат ЦСКА Софија, романскиот Ботошани и молдавскиот Сфинтул Георге.
Својот противник го чека и Силекс, кој по испаѓањето од квалификациите за ЛШ се пресели во квалификациите за ЛЕ. Кратовци може да се паднат со Арарат, Конах Квеј, Дрита, Фола Еш, Астана, Будуќност или Астана.
