Данската тенисерка Каролине Вознијачки најави дека ќе се пензионира по настапот на Австралија опен следната година. Одлуката ја соопшти при гостувањето во шоуто на „ABC“ телевизијата, а потоа ја потврди и на својот профил на Инстаграм.
Вознијачки има 29 години и освои една гренд-слем титула, токму на турнирот во Мелбурн, каде ќе се прости од активното играње.
Данката има и две финалиња на САД опен, но ги загуби во 2009 и во 2014 година. Беше и прворангирана на светската тениска листа во октомври 2011 година и е убедливо најуспешната тенисерка во историјата на данскиот тенис.
Новото издание на Австралија опен ќе се игра од 20. јануари до 20. февруари.