За МЗТ ништо не значи проширувањето на АБА-лигата

АБА-лигата ги потврди информациите за прекин на сезоната 2019/20 без прогласување на шампион, а новитет е проширувањето на лигата од 12 на 14 екипи. Сепак, во сезоната 2020/21 од втората лига во елитата ќе се приклучат српскиот прволигаш Борац Чачак и хрватскиот состав на Сплит, како прва и второпласирана екипа на табелата во АБА2 по 22 натпревари.

Актуелниот македонски првак МЗТ Скопје извиси во проширувањето бидејќи пред прекинот на сезоната Штрковите стоеја на третото место со 35 бода, исто колку што има и Сплит.

АБА-лигата следната сезона ќе се состои од сегашните учесници плус Борац и Сплит, додека во АБА2 ќе се натпреваруваат 12 екипи, со тоа што Македонија има две резервирани места за екипи според пласманот во домашниот шампионат.

- Оглас -

Најнови вести