Ракометарите на Вардар 1961 не успеаја да ја задржат предноста која ја имаа во најголем дел од мечот против ПИК Сегед и Унгарците со добар финиш и серија од 5-1 направија пресврт и победија со 28-26. За овој унгарски тим, ова беше прва победа на гостување во Скопје против Вардар.
Црвено-црните останаа со по една победа и едно реми, заедно со пет порази во седумте кола, па останаа последни на табелата во групата А од Лигата на шампионите.
Дибиров и Јотиќ имаа по 6 гола и беа најефикасни во тимот на тренерот Алушовски, Валчак ги следеше со 4 погодоци. За четири дена, вардарци гостуваат кај вечерашнниот противник против кого играа добро и атрактивно, но само во првото полувреме.
