Локомотив од Москва најавува изненадување во Торино и води со 1:0 против Јувентус по првото полувреме на шесте дуели во Лигата на шампионите што се играат вечерва од 21 часот.
Алексеј Миранчук со прекрасен волеј ја погоди мрежата на Старата дама, а немоќен беше Војчех Шчесни.
Интересно е што на сите дуели има барем по еден гол, а најефикасно е во Англија. На „Етихад“. Аталанта поведе со голот на Малиновски од пенал, но Агуеро со два гола направи пресврт за предност на Манчестер сити од 2:1 по првиот дел.
Три гола имаше и во Лондон, каде Тотенхем ја разби Црвена Ѕвезда и веќе води со убедливи 3:0. Хари Кејн го постигна водечкиот погодок, а потоа Сон двапати беше прецизен.
Реал Мадрид со голот на славеникот Тони Крос има предност од 1:0 во Истанбул против Галатасарај, а иста предност има и ПСЖ со голот на Икарди против Бриж. Олимпијакос и Баерн имаат реми, 1:1 по првото полувреме.
