Фудбалската федерација на градот Валенсија воведе зелен картон како дополнување на традиционалните жолти и црвени картони. Судиите ќе може да им дадат зелен картон на играчите, но оваа боја на картон нема да биде како казна или опомена, туку во знак на пофалба. Значи, добро ќе биде да добиете зелен картон.
Зелен картон ќе добијат играчите кои ќе направат некој голем ферплеј потег. Судиите ќе добијат точни инструкции во какви ситуации може да дадат зелен картон.
На пример, фудбалер ќе „позелени“ ако со свој гест спречи напад врз судија, играч, тренер или гледач, или ако јавно ги промовира спортот и неговите вредности на позитивен начин, со што би добил аплауз од противниците.
