Мечевите од регионалната АБА, АБА 2, како и АБА младинската лига се одложуваат на неодредено време поради пандемијата со Коронавирусот. Ова е трето големо кошаркарско натпреварување кое само во неколку часа донесе одлука да се прекинат натпреварите.
Од утрово се прекинаа мечевите во НБА-лигата, а потоа беше донесена одлука да не се играат ниту натпреварите во кошаркарската Евролига. Во АБА 2 лигата македонскиот првак МЗТ Скопје Аеродром се подготвува за полуфинална плејоф-битка против Сплит.
Аеродромци треба да гостуваат во првиот меч, а потоа се домаќини, но не се знае кога овие средби ќе се играат. Тимот кој ќе стигне до две победи ќе обезбеди место во финалето и борба за влез во АБА 1 лигата.
ABA competitions suspended until further notice.
More at: https://t.co/6FSh8oOLbc #ABALiga pic.twitter.com/eE4msvxohd
— ABA Liga (@ABA_League) March 12, 2020
