Лука Дончиќ е избран во најдобрата петорка на НБА-лигата за сезоната 2019/20. Словенечката сензација на Далас маверикс доби огромно признание во само втората своја сезона во најсилната кошаркарска лига и се најде во друштво на најголемите ѕвезди.
Дончиќ доби 59 поени и влезе во првата петорка заедно со Леброн Џејмс, Јанис Адетокумбо, Џејмс Харден и Ентони Дејвис. Во регуларниот дел од сезоната, Дончиќ одигра 61 натпревар со просек од 28,8 поени, 9,4 скока и 8,8 асистенции, додека во серијата против ЛА клиперс во плејофот беше поефикасен со 31 поен по натпревар.
Congratulations to the 2019-20 All-NBA First Team! ⭐️ pic.twitter.com/rGYCKdjT8K
— NBA TV (@NBATV) September 16, 2020
Вториот најдобар тим за актуелната сезона се состои од: Крис Пол, Демиен Лилард, Кавај Ленард, Паскал Сиакам и Никола Јокиќ. Во третата најдобра петорка се најдоа: Бен Симонс, Расел Вестбрук, Џими Батлер, Џејсон Тејтум и Руди Гобер.
