Меч за памтење се одигра во Далас. Домаќините славеа со неверојатна разлика од 50 поени против Јута џез (118:68). Интересно е што првото полувреме не најавуваше дека ова ќе биде натпревар за историја. По првите 24 минути, Далас беше подобар и водеше, но само со 58:46. Разликата од 12 поени не е невообичаена, но тоа што се случи во вториот дел е за памтење.
Јута едноставно како да престана да игра, а Далас тоа максимално го искористи. Во второто полувреме, односно за 24 минути, Јута даде само 22 поени, а прими 60, па на крајот разликата беше точно 50 поени во корист на домаќинот. За Јута ова е втор највисок пораз во клупската историја. „Џезерите“ со поголема разлика имаат загубено само на 14-ти март 1979 година, и тоа од Милвоки со 158:102.
И за Далас ова е втора највисока победа во клупската историја. Со поголема предност има победено само против Филаделфија, кога беше подобар со 53 поени разлика. Во второто полувреме Далас прими само 22 поени, што е најмалку во клупската историја.
Резултати: Орландо – Филаделфија 111:106, Вашингтон – Кливленд 119:95, Бостон – Чикаго 111:82, Бруклин – Мајами 107:120, Торонто – Детроит 104:106, Милвоки – Мемфис 113:116, Минесота – Њу Орлеанс 107:100, Оклахома – Њујорк 128:103, Далас – Јута 118:68, Феникс – Сан Антонио 116:96, ЛА лејкерс – Портланд 126:117.
