Манчестер јунајтед со гол во судиското надополнување стигна до минимална победа од 1-0 против Јанг бојс и на тој начин си обезбеди место во осминафиналето од Лигата на шампионите. Англискиот гигант во текот на сите 90 минути се мачеше да ја пробие одбраната на гостите, а на крајот тоа му успеа во 91-вата минута.
Маруан Фелаини доби топка во зоната за шут, одлично реагираше и ја затресе мрежата на гостите. Сепак, тој погодок на Фелаини лесно можеше судиите да го поништат, и тоа со право. Белгискиот репрезентативец играше со рака непосредно пред да го даде погодокот.
За негова среќа и за среќа на сите навивачи на Манчестер, судиите не го забележаа тој момент, па погодокот е признат, а Манчестер си обезбеди место во нокаут-фазата од Лигата на шампионите.
Is that a little handball from #Fellaini ? #MUFC #ChampionsLeague pic.twitter.com/9hES74om2g
— Linehansolo (@MarkLennyskillz) November 27, 2018
