Шпанскиот репрезентативец Јаго Аспас одигра симултанка против одбраната на Хуеска, а финтата што му ја „продаде“ на Карлос Акапо при вториот погодок за Селта ќе конкурира за нај-потег на годината.
Аспас со финта се ослободи од Акапо во еден контранапад, а противникот се повреди при движењето. Маестрален потег на двојниот стрелец за Селта во победата од 2:0 против Хуеска.
https://www.youtube.com/watch?v=k37vthdJ5r4
Аспас го постигна и водечкиот погодок за Селта, во 38. минута, но тогаш му беше лесно, бидејќи Хуго Маљо буквално му ја сервираше топката на гол-линијата на гостинскиот гол.
Јаго сега е на делба на првото место на листата со најдобри стрелци во Ла Лига, заедно со Кристијан Стуани од Жирона. Двајцата имаат постигнато по 10 голови, а зад нив е тандемот на Барселона, Меси и Суарез со по 9 погодоци.
