Барселона е меѓу главните кандидати за ангажман на Ерлинг Халанд, имаше информација од каталонскиот „Спорт“ дека на норвешкото чудо му нуди сума од околу 190 милиони евра за петгодишен договор, а тренерот Чави Ернандес е оптимист.
Чави има интересна изјава што ја даде за шпанските медиуми.
„Не познавам фудбалер што ја одбил Барселона“, вели Чави. Барселона веќе двапати имаше средба со Мино Рајола, кој му е менаџер на Халанд и тој е заинтересиран за трансфер на Норвежанецот во редовите на шпанскиот гигант.
Барса ќе треба да ја плати и отштетната клаузула што Халанд ја има со Борусија Дортмунд, а изнесува околу 80 милиони евра, па целиот трансфер би чинел околу 270 милиони евра.
За напаѓачот на Борусија Дортмунд заинтересирани се и Манчестер сити и Реал Мадрид.
Борусија го купи Халанд од Салцбург за сума од 20 милиони евра.
