Кристијано Роналдо ја покажува светската класа и во Италија, пред продолжението на првенството е најдобар голгетер во Калчото, но неговите конкуренти имаат поголем ефект со головите на бодовното салдо на своите екипи.
Кшиштоф Пјонтек е зад него со 13 погодоци, но тој има најголем ефект од сите играчи во Серија А на бодовната залиха на својата екипа. Соиграчот на Горан Пандев со головите директно и донесе 10 бодови на Џенова од вкупно 20 по одиграни 19 натпревари.
Зад Пјонтек со подобар ефект од Роналдо се и Дуван Запата од Аталанта, иако е на четвртото место на листата со најдобри стрелци со 10 голови и Фабио Кваљарела, играч на Сампдорија и трет стрелец во Калчото со 12 погодоци.
