Реал Мадрид освои уште еден пехар во богатата колекција на најславниот и најтрофеен европски клуб со победата од 2:0 против Ајнтрахт Франкфурт во Суперкупот на Европа, а со тоа продолжи и спектакуларната серија на трилингот Модриќ-Крос-Касемиро.
Кога тие тројца биле стартери заедно на терен во дресот на Реал, Кралскиот клуб никогаш не загубил, а освоени се дури 9 пехари.
Три фантастико, за кое голем дел од фудбалските експерти велат дека е најмоќното на сите времиња.
Casemiro, Kroos and Modrić have never lost a final they all started in. 9 finals, 9 solid wins. pic.twitter.com/Ph3hPPAmyU
— Los Blancos Live (@LosBlancos_Live) August 10, 2022
Модриќ има 36 години и дојде во Реал точно пред една деценија. Крос е четири години помлад и стана Крал во тимот од Мадрид во 2014 година, а Карлос Енрике Касемиро е најмлад, има 30 години и член е на Реал од 2013 година.
„Модриќ и Крос се неверојатни, двајца пријатели со кои би бил заедно секогаш и до крајот на животот“, вели Касемиро.
🎙| Casemiro: "Modrić and Kroos are incredible, two friends that I will take with me for the rest of my life." pic.twitter.com/QG3XisYzsH
— Madrid Xtra (@MadridXtra) August 10, 2022
Реал победи во Хелсинки со головите на Давид Алаба и Карим Бензема, а францускиот ас со 324 гола сега е втор стрелец на сите времиња на Кралскиот клуб.
Modric, Kroos, and Casemiro have playing together at Real Madrid for 8 years.
The longevity is incredible. pic.twitter.com/d2kiYu5SXv
— RM. (@rmdanalysis) August 10, 2022
Бензема го мина Раул Гонзалес, а пред него е само Кристијано Роналдо со 450 погодоци.
Карло Анчелоти го освои четвртиот пехар во Суперкупот на Европа, што е рекорд, а Флорентино Перес како претседател на Реал стигна до 30-тиот пехар и е втор најтофеен претседател во историјата на клубот, зад легендарниот Сантијаго Бернабеу со три титули повеќе.
