Екипата на Интер Мајам, каде што прва ѕвезда е Лионел Меси, со пораз ја започна турнејата во Саудиска Арабија. Интер Мајами загуби од Ал-Хилал со 4:3, а настаните во првото полувреме најавуваа убедлив пораз на Меси и соиграчите.
Првото полувреме заврши со 3:1 за саудискиот тим, а само по 13 минути игра беше 2:0. Митровиќ во десеттата минута го отвори резултатот, а три минути подоцна Ал-Хамдам го удвои водството.
Луис Суарес во 34-тата минута намали на 2:1, но во последната минута од првиот дел, Мајкл зголеми на 3:1, а голот го прослави на идентичен начин како што тоа го прави Кристијано Роналдо.
https://twitter.com/i/status/1752041931385766095
На стартот од вториот дел, Меси се запиша во листата на стрелци, а во 55-тата минута Руиз израмни на 3:3.
Победата на најдобриот тим во саудискиот шампионат му ја донесе Малком во 88-мата минута.
