Погодокот кој вчера го постигна Кристијано Роналдо за неговиот клуб Ал Наср, е 714-ти во кариерата за Португалецот, а да не е од пенал, и со тоа го надмина Лионел Меси кој има 713 голови, без пенали.
Навивачите на Меси по социјалните мрежи потсетуваат дека нивниот миленик е две години помлад и дека има 151 меч помалку одиграно од Роналдо.
Севкупно, Роналдо има 53 гола повеќе од Меси. Од пенал, Роналдо има дадено 161 голови, а Меси од белата точка има 109 погодоци во кариерата. Во минатата 2023 година, Кристијано даде речиси двојно повеќе голови од Меси (54-28). Следната недела почнува сезоната во МЛС лигата во САД, па Меси во дресот на Интер Мајами ќе има прилика да си го зголеми својот голгетерски биланс.
