Барселона одигра 1:1 на гостувањето кај Наполи во првиот меч од осминафиналето во Лигата на шампионите и сега во реваншот пред своите навивачи ќе треба да победи за да продолжи во следната фаза од елитното натпреварување на УЕФА.
Каталонскиот гигант водеше против Наполи со голот на Роберт Левандовски, но домаќините израмнија благодарение на погодокот на Виктор Осимен. По средбата, тренерот на Барселона, Чави Ернандес рече дека неговиот тим требало да победи.
„Доминиравме на теренот и заслуживме да победиме на овој дуел. Од мојата најава дека си заминувам, Левандовски направи голем чекор напред. Постигна неколку важни погодоци на последните неколку средби“, рече Чави.
Левандовски ги постигна и двата гола на последното гостување во првенството на Шпанија кај Селта Виго, кога каталонскиот гигант победи со 2:1, а по тој натпревар голгетерот и тренерот беа забележани како заедно се радуваат, што покажува дека се во одлични односи.
https://twitter.com/i/status/1758971129782219140
