Кристијано Роналдо има сезона за заборав, барем што се однесува до освојувањето на трофеи. Легендарниот Португалец сезоната ја завршува без ниту еден трофеј со тимот на Ал-Наср.
Во првенството на Саудиска Арабија Ал-Наср заврши на второто место, во Суперкупот загуби во финалето, беше елиминиран во азиската Лига на шампиони, а синоќа Роналдо и другарите загубија и во финалето на Кралскиот куп на С. Арабија. Веднаш по завршување на финалето, Роналдо почна да плаче.
https://twitter.com/i/status/1796653507379904733
Соиграчите и членовите на клубот се обидоа да го утешат Роналдо, но едноставно Портигалецот не е научен да завршува без трофеј, иако сезонава тој е најдобар стрелец во оваа земја и ја освои Златната копачка.
https://twitter.com/i/status/1796650886409949244
Во големото финале, Ал-Наср на пенали загуби од Ал-Хилал тимот кој е и првак на земјата. Голема драма имаше во финалето. Ал-Хилал водеше со 1:0, Ал-Наср остана со играч помалку, за потоа два црвени картони да добијат фудбалери на Ал-Хилал и тимот на Роналдо да израмни на 1:1. Во пенал-рулетот, Ал-Наср имаше пенал за победа, но го промаши и на крајот Ал-Хилал се радуваше.
