Најдобриот стрелец во историјата на Реал Мадрид, Кристијано Роналдо, му изрази поддршка на новото засилување на шпанскиот гигант, Килијан Мбапе.
Познато е дека Роналдо му е идол на Мбапе, негов херој од детството, а Португалецот преку социјалните мрежи му честиташе на Французинот за потписот за Реал.
„Мој е редот да те гледам. Возбуден сум што ќе гледам како го осветлуваш Бернабеу“, му напиша Роналдо на Мбапе.
Синоќа официјално беше објавен трансферот на Мбапе во Реал. Неговиот договор со Мадрид е на пет години.
