Кристијано Роналдо девет години беше со Начо во Реал Мадрид, тој му беше еден од омилените соиграчи, па Португалецот денеска не пропушти шанса да испрати порака до шпанскиот дефанзивец кој го официјализираше своето заминување од Реал, клуб во кој мина дури 23 години.
Начо има изјавено дека Роналдо е најдобриот на сите времиња, па Кристијано веројатно и поради тоа го сака Шпанецот.
Дефанзивецот кариерата ќе ја продолжи во Ал Кадсија во Саудиска Арабија, љубовта кон Реал не му дозволи да прејде во друг европски клуб, иако имаше понуди.
„Ти си еден од хероите на големата историја на Реал Мадрид. Биди горд на тоа што го направи Начо“, напиша Роналдо на Инстаграм.
Роналдо и Начо уште во полуфиналето на ЕВРО 2024 би можеле да се сретнат еден против друг, а ако не, тогаш во следната сезона во саудиската лига сигурно, па ќе видат како е да се игра на спротивните страни наместо заедно како што беа навикнати.
