Сезоната 2024-25 во Саудиската Про лига започнува вечерва, а се играат три натпревари, од кои на хартија,најсигурна треба да биде победата на Ал-Наср на Кристијано Роналдо против Ал-Раед.
За разлика од минатото лето ,кога беа потрошени речиси 1 милијарда евра, ова лето имаше многу помало трошење. Иако имаше шпекулации за можна преселба во Саудиска Арабија, некои ѕвезди како Мохамед Салах, Винисиус, Кевин де Бројне, останаа во Европа.
Битката за титула треба да ја води „големата четворка“, тоа се Ал-Хилал, Ал-Наср, Ал-Ахли и Ал-Итихад. Минатата сезона, Ал-Хилал беше доминантен и стигна до 19-тата титула во домашното првенство, завршувајќи со 14 поени предност пред Ал-Наср.
Големото прашање е кога ќе се врати Нејмар, кој одигра само пет натпревари пред да ги оштети лигаментите на коленото во октомври минатата година.
Од новите прволигаши, најактивен на пазарот беше Ал-Кадсија, кој се засили со напаѓачот Пјер-Емерик Обамејанг и централниот дефанзивец Начо, а се очекува да го земат и крилото Пауло Дибала.
