Албанците останаа зачудени при интонирањето на химните пред мечот со Франција, откако домаќините комплетно им ја утнаа химната на „Сент Дени“ во Париз.
Гостите и нивните навивачи реагираа веднаш и чекаа да се корегира грешката пред мечот. На терен француските репрезентативци доминираа и со головите на Коман и на Жиру им дадоа на знаење на Албанците кој е фаворит.
Можеше да биде и поубедливо, но Антоан Гризман промаши пенал во 37. минута, кога со силен удар ја погоди пречката на голот на Стракоша.