Македонскиот репрезентативец Езѓан Алиоски го одигра првиот меч во англиската Премиер лига, откако ги одигра последните 20-тина минути во победата на Лидс против Фулам со 4:3. Популарниот Џани во игра влезе откако беа постигнати сите седум гола и главна задача за домаќините беше да ја задржат предноста, која по 60 минути игра беше три гола (Лидс водеше со 4:1).
На овој меч Лидс постави своевиден рекорд во Премиер лигата. Цели 58 години во елитната англиска лига се немаше случено во првите два меча на еден тим да има дури 14 погодоци. Колку за потсетување, Лидс во првото коло загуби со 4:3 на гости кај Ливерпул, а сега со ист резултат се радува против Фулам.
Последен тим на чии воведни два меча паднале 14 гола е Вулверхемптон и тоа во далечната 1962/63. Тогаш Волците дале 12, а примиле два гола во првите две кола.
14 – Leeds’ opening two Premier League games have seen 14 goals this season (F7 A7), the most for a top-flight side’s opening two matches since Wolves in 1962-63 (F12 A2). Glut. #LEEFUL pic.twitter.com/PH4WKG2tnf
— OptaJoe (@OptaJoe) September 19, 2020
Дуелот во Лидс не е единствен кој денеска заврши со 7+ во Премиер лигата. Попладнево Евертон со 5:2 славеше над Вест Бромвич Албион, па Карамелите имаат максимални шест бода по првите две кола.