Лионел Меси беше заменет за време на натпреварот на Интер Мајами против Филаделфија во МЛС поради „мускулен замор“ во бутниот мускул на левата нога, соопшти американскиот клуб.
Постоеше страв дека аргентинската суперѕвезда заработи повреда за време на спектакуларната победа од 6:4, но Аргентина може да здивне по официјалното соопштение на Интер Мајами.
„По дополнителните медицински прегледи во понеделникот, првичната дијагноза укажува на преоптоварување поврзано со мускулен замор во тетивата на левата нога. Времето за негово враќање на теренот ќе зависи од клиничкиот и функционалниот напредок“, стои во соопштението.
🩺 Injury Update presented by @BaptistHealthSF
for Leo Messi.Details: https://t.co/NPZn2mE33V pic.twitter.com/Atg3JpAORd
— Inter Miami CF (@InterMiamiCF) May 25, 2026
Лионел Меси сè уште официјално не објавил дали ќе настапи за актуелниот светски шампион Аргентина на Мундијалот, кој започнува на 11 јуни, иако селекторот Лионел Скалони веќе го повика во составот.
Сепак, се очекува Меси да биде подготвен за Гаучосите и по шестти пат во кариерата да настапи на Светските првенства.
Првиот натпревар на Аргентина на турнирот ќе биде против Алжир на 16 јуни, а во групата Ј се уште и Австрија и дебитантот Јордан.
