Капитенот на Арсенал Мартин Одегард ја продолжи соработката со англискиот премиерлигаш откако потпиша договор до 2028 година. Одегард е еден од лидерите во тимот на Топчиите и сосема очекувано беше негово останување во лондонскиот тим.
„Ова е преубаво место, нема тука многу дилеми. Сакам да сум тука. Во екипата има многу млади играчи. Неверојатно е колку сме поврзани како екипа. Во фудбалот е природно да се има големи амбиции и цели. Јас лично сакам да играм под притисок. Најважен е фокусот, а потоа ќе дојдат и резултатите“, рече Одегард.
Од денеска, Одегард и официјално ќе има зголемена плата која ќе изнесува 200.000 фунти недели. Со оваа плата, тој се израмни со платите кои ги добиваат Мартинели, Сака, Салиба и Габриел. За оваа фантастична петорка вкупно во Арсенал на неделно ниво издвојуваат еден милион фунти.
