Сезсар Аспиликуета е сигурен дека Садио Мане требаше да биде исклучен во 14-тата секунда на дербито меѓу Челзи и Ливерпул и вели дека во Англија судиите сè почесто прават кардинални грешки.
На самиот старт од дербито во Премиер лигата, Мане со лакт го удри бекот на Челзи директно в лице и требаше да биде исклучен, но судијата Ентони Тејлор му покажа само жолт картон.
https://twitter.com/FPLAPlus/status/1477696778501865477?s=20
Mане се спаси од исклучување, потоа и го постигна водечкиот гол за Ливерпул во деветтата минута, но Аспиликуета смета дека требаше да го напушти теренот со црвен картон во првата минута.
„Не е важно дали е во петта или 14-та секунда, стартот беше за црвен картон. Судијата погреши што не го исклучи Мане бидејќи ме удри директно со лактот во лице. Во последно време гледаме многу грешки на судиите, смешни пенали и чудни одлуки, а и оваа денеска на Тејлор беше таква“, рече Аспиликуета.
Azpilicueta on Mane: "It’s a clear red. It doesn’t matter if it’s 5 seconds into the game… Sometimes we see joke penalties, sometimes we see really dangeours actions and we don’t take action… We don’t see the consistency even in the same game." | Post-Match Interview from soccer
Дербито беше одлично и заврши нерешено, 2:2 со сите четири гола постигнати во првото полувреме.
