Аталанта би го продала својот напаѓач Јосип Иличиќ за 30 до 35 милиони евра, најавуваат италијанските медиуми. Клубот од Бергамо би се разделил со својот 32-годишен голгетер, но не за помалку од 30 милиони.
Сезонава Словенецот на 21 меча во Серија А има 15 гола и 8 асистенции, додека во Лигата на шампионите на седум средби постигна пет гола, од кои четири во осминафиналето против Валенсија.
Интерес за Иличиќ има од Севилја и од неколку италијански клубови. Договорот му истекува во јуни, но би можел да го продолжи до 2022, па потоа евентуално да биде продаден, за да не си замине како слободен.