Атлетико Мадрид планира да ја активира клаузулата на дефанзивецот на Атлетик Билбао, Јерај Алварес, која изнесува 30 милиони евра. Со него би започнала обновата на дефанзивната линија, откако од претходно е познато дека од Мадрид заминуваат капитенот Диего Годин, Лукас Ернандес, Хуанфран и Филипе Луис.
Дваесет и четиригодишниот Јерај потекнува од фудбалската академија на баскискиот клуб, а пред неколку години се бореше со рак на тестисите. По деветмесечен третман тој го победи ракот, и тоа во два наврати, а сега се наоѓа пред трансфер на кариерата.
По рехабилитацијата, Јерај се врати во првиот тим на Билбао, па од февруари 2018 година тој е редовен во стартниот состав. Оваа сезона настапи на 32 натпревари во Ла Лига, а добрите игри не останаа незабележани.
