Атлетико Мадрид направи уште еден чекор кон титулата во Шпанија, иако е уште рано да се мисли за титула, но со играта во досегашниот дел од сезоната, Јорганџиите покажаа дека се зрели за трофејот. На гостувањето кај Еибар, Атлетико победи со 2:1, иако домаќините први погодија.
Еибар поведе со погодокот на голманот Марко Дмитровиќ од пенал. Српскиот интернационалец реши да го изведе пеналот и беше прецизен. Тој погодок може да го видите ТУКА.
Во Шпанија безмалку 10 години немаше погодок на голман во Примера. Последен голман што дал гол е Дани Аранзубија од Депортиво, кој погоди кај Алмерија во февруари 2011 година. Од пенал, последен голман што погодил во Шпанија е Начо Гонзалес од Лас Палмас уште од март 2003 година.
2003 – @the_mitrovic1 🇷🇸 is the first keeper to score in @LaLigaEN since Dani Aranzubia for Deportivo in Almería in February 2011, the first one from penalty spot since Nacho González for Las Palmas vs Athletic Club in March 2003. Personality@SDEibarEN #EibarAtleti #Atleti pic.twitter.com/5JYX1QVZpB
— OptaJose (@OptaJose) January 21, 2021
Атлетико беше во негатива, но тоа не ги збуни гостите. Луис Суарес погоди во 40-тата минута за 1:1, а истиот играч беше прецизен и од пенал во 89-тата минута за комплетен пресврт. Атлетико Мадрид со оваа победа стигна до 44 бода, дури седум повеќе од вториот Реал Мадрид. Јорганџиите имаат и меч помалку, што значи дека разликата може да биде и двоцифрена.