Трката за Големата награда на Азербејџан која се вози по улиците на Баку веднаш стана една од омилените на пилотите кои се тркаат во Формула 1, а и на навивачите кои гледаат во живо или на телевизија, па оваа трка ќе остане во календарот најмалку до 2023 година.
Договорот за продолжување на соработката го потпишаа министерот за спорт и млади на Азербејџан, Азад Рахимов, и извршниот директор на Формула 1, Чејс Кери.
Ова е прв потпис во 2019 година, а лани и преклани беше продолжена соработката и со организаторите на трките во Белгија, Кина, Германија, Јапонија и Сингапур. Од 2020 година новина ќе биде трка за Големата награда на Виетнам.
Баку е домаќин на трките на Ф1 од 2017 година, патеката минува и низ стариот дел на градот, кој е под заштита на УНЕСКО како светско културно наследство. Трката низ улиците на Баку ќе се вози на 28-ми април, а лани таму победи светскиот првак Луис Хамилтон.
