Поранешниот белгиски репрезентативец и член на Челси и Реал Мадрид, Еден Азар, ја одби можноста да игра во ист тим со Лионел Меси во МЛС-лигата и со само 32 години сериозно размислува за крај на професионалната кариера.
Шпанскиот спортски весник „Ас“ пишува дека Азар ја одбил понудата на Интер Мајами, новиот клуб на Лионел Меси и Серхио Бускетс, а каде наскоро се очекува да пристигнат и Жорди Алба како и Серхио Рамос кој му беше капитен на Белгиецот во Реал.
🚨 There is a possibility Eden Hazard retires from football this summer. 👀😔
(Source: AS) pic.twitter.com/2HhBF53jyD
— Transfer News Live (@DeadlineDayLive) July 29, 2023
Според „Ас“ причина за одбивањето на понудата од Интер Мајами е тоа што Азар сериозно размислува да замине во пензија.
Откако пристигна во Реал, Азар повеќе беше повреден отколку што играше, а наводно големо влијание во одлуката на Азар да го одбие Интер Мајами имаат сопругата и трите сина кои се чувствуваат одлично во Мадрид и не сакаат да го напуштат главниот град на Шпанија.