Само неколку дена откако и официјално ја одбрани титулата во првенството, екипата на Баерн Минхен сега се радува и на пласман во финалето на Купот во Германија. Баварскиот гигант го потврди својот квалитет откако со 2:0 славеше на гости кај Баер во Леверкузен.
Хари Кејн во 22 минута го најави триумфот на Баерн, а сите дилеми беа решени кога Луис Дијас буквално во последните моменти од мечот зголеми на 2:0.
Во финалето Баерн ќе го чека подобриот од дуелот меѓу Штутгарт и Фрајбург кој ќе се игра утревечер.
