Баерн Минхен со 4:0 го демолираше Келн во рамките на 19-то коло од германската Бундеслига.
Предводени од феноменалниот Роберт Левандовски кој го постигна првиот хет-трик во оваа 2022 година, актуелниот првак немаше никакви проблеми на ова гостување.
Токму со голот на Полјакот во деветтата минута, Баерн го отвори резултатот, додека Корентан Толисо, по асистенцијата на Томас Милер во 25-та минута ја зголеми предноста.
Воедно ова за Милер е 150 асистенција од 2008 година па наваму а во таа статистика само Лео Меси е подобар од топ 5 лигите.
Печат на победата за актуелниот германски првак стави токму Левандовски со головите во 63-та и 74-та минута.
Баерн сега има 46 бода, односно шест повеќе во однос на второпласираната Борусија Дортмунд.
БУНДЕСЛИГА
Келн – Баерн Минхен 0:4
Мајнц – Бохум 1:0
Штутгарт – РБ Лајпциг 0:2
Унион Берлин – Хофенхајм 2:1
Волфсбург – Херта 0:0
150 – Since Thomas Müller’s Bundesliga debut (15 Aug 2008), only Lionel #Messi (180 assists) has assisted more goals in Europe’s big five leagues than the German (150 assists). Space. #KOEFCB pic.twitter.com/VjtOBapePg
— OptaFranz (@OptaFranz) January 15, 2022
